Aunt Julia

நண்பர் ரியாஸ் Mario Vargas Llosa வின் A fish in the water எனும் நினைவோடைக் குறிப்புகளில் இருந்து எடுக்கப்பட்ட Aunt Julia எனும் பகுதியை அனுப்பி வாசிக்கச் சொன்னவர். ரொம்ப ஒரு tempting ஆன ஆரம்பம் கொண்ட ஒரு பகுதி. 190 more words

பொது

சொல் புதிது

சொற்கள்தான் நமக்கான உலகத்தை நிர்மானிக்கின்றன. நமக்கான அகராதியில் ஒரு புதிய சொல்லின் வரவும் சேர்க்கையும் பெரும் கிளர்ச்சி ஊட்டக்கூடியது.
ஆங்கிலம் ஒரு கடன்கார மொழி. அதற்கென அடிப்படையாய் சில நூறு சொற்கள்தாம் இருக்கும். மற்றவை எல்லாம் பிறமொழியில் இருந்து வந்து சேர்ந்தவை.

பொது

பதிவு செய்தல்

‘மார்வேஸின் கதைகளை இரண்டாவது முறை வாசிக்க முடியவில்லை. அதீத கற்பனையும் மீ-உண்மைகளாலும் மூச்சு முட்டி நிற்கிறது. முதல் முறை வாசிக்கும் போது கிடைக்கும் பரவசம் இரண்டாவது வாசிப்பில் தவறிப்போகிறது. உண்மைக்கு உண்மையாய் உயிரும் நனமும் சதையுமாய் கதைகள் வாசிக்கக்கிடைத்தால் நலம்’ எனத் தோன்றுகிறது என்று நண்பனிடம் சொன்னேன். மனதறியச் சொன்னதுதான் அது.

இருபதாம் நூற்றாண்டின் லத்தீன் அமேரிக்க இலக்கியத்தின் ஆதாரமாய் இருந்த hyper-reality உம் மெஜிகல் ரியாலிசமும் என்னுடைய உணர்திறனில் நீண்ட ஓட்டத்தில் தங்கிப்போகுதில்லை. (போர்ஹேயினுடைய படைப்புக்கள் மட்டும் ஏதோ ஒரு இடத்தில் விதிவிலக்கானவை)
00

பொது

அறமும் புகையும்

அறம் திரைப்படத்தின் இயக்குனர் கோபி, தமிழ் திரைப்படங்களில் முஸ்லிம்கள் சரியான முறையில் சித்தரிக்கப்படவில்லை என குறைபட்டுக்கொண்டார். அது உண்மைதான். தமிழ் படங்களைப் பார்த்து, இந்திய முஸ்லிம்கள் இப்படித்தான் சைத்தான்கே பஜ்சா என பேசுவார்கள், மொக்குகள் போல நடந்துகொள்வார்கள் என நாங்களும் நம்பிக்கிடந்த காலம் ஒன்று இருந்தது.

மலையாள திரைப்படங்களில் ஏதாவது ஒரு காட்சியில் இஸ்லாமிய அடையாளத்துடன் ஏதாவது ஒரு விடயம் காட்சிப்படுத்தப்பட்டிருக்கும். அது ரொம்ப இயல்பானதாக இருக்கும். இஸ்லாமியர்கள் எட்டவர்கள் போலல்லாது, அவர்களும் கேரளத்தின் ஒரு பகுதி என்பதாக அந்த காட்சிகளின் இயல்பிலேயே தெரிந்துவிடும். ஆனால் தமிழ் முஸ்லிம்கள்தான் இன்னும் தமிழ்நாட்டுடன் ஒட்டவில்லை. இன்னமும் கடத்தல்காரர்களாகவும், பயங்கரவாதிகளாகவும் இருக்கிறார்கள்.
00

முஸ்லிம்கள் சரியாக சித்தரிக்கப்படவில்லை என குறைபட்டுக்கொண்ட அறம்படத்தின் இயக்குனர் தன்னுடைய படத்தில் இஸ்லாமியர்களை பதிவு செய்ததாக சொல்லி இருக்கிறார். நான் இன்னும் படம் பார்க்கவில்லை. ஆனால் இயக்குனர் சொன்ன பதிவு இதுதான்.

ஒருவர் சாம்பிராணி புகை போடுவது போல ஒரு காட்சி இருக்குமாம். ங்கொய்யால எம்மாம் பெரிய வரலாற்றுப் பதிவு இது. இந்திய தமிழ் முஸ்லிம்களுக்கு வாழ்த்துகள்.
நல்லா புகை போட்டிருக்கீங்க……

பொது

Trans-Serbia

10,000 km, எட்டு இரவுகளும், ஒன்பது பகல்களுமாய் நீள்கிற ஒரு இரயில் பயணம் வெறும் கனவு மட்டுமில்லை. எனக்குள் வீழ்ந்து ஒரு உயிரென உருக்கொண்ட பத்தாண்டுக் கரு. இன்னும் வளர்ந்துகொண்டே எனக்குள் துடித்துக்கொண்டிருக்கிறது.

பயணங்களின் மீது பற்றற்ற ஒருவனின் இரண்டு கனவுப் பயணங்களில் முதன்மையான அது.
00

இரவு நீண்டதொரு கனா. நான் Moscowவில் காத்திருந்து இரயில் ஏறி, Vladivostok யில் இறங்கும் வரை இடையறாது நீண்ட கனா. அந்தப் பயணத்தில் செய்தவைகள், நடந்தவைகள் எல்லாமும் விழித்த பின்னும் இன்னும் என் ஞாபகத்தில் இருக்கிறது. அது இந்த உலகளவு பிரமாண்டமானது. அதை விடவும் பெரிதாக இருக்கலாம்.

கனவில் உங்களை நீங்களே காண்பது எவ்வளவு அலாதியானது! அதுவும் பொட்டி படுக்கைகளுடன்.. ஒரு நீண்ட பயணத்தில்.
00

பொது

அச்சமூட்டி எச்சரிக்கை செய்வோம்

இந்த உலகம் எவ்வளவு பகட்டானது! புகழ் எவ்வளவு போதை தரக்கூடியது! தன்னை நான்கு பேருக்கு தெரிந்திருக்கிறது என்பது எவ்வளவு திமிர் தனத்தை எம்மில் விதைத்துச் செல்கிறது! இந்த அற்ப புகழுக்காக எதை எதை எல்லாம் இழக்கவும், யாரை எல்லாமோ பகைக்கவும் நாட்டம் கொள்கிறோம். நாக்கு நரம்பிழந்து, சிந்தை தரிகெட்டு, முற்றாக கட்டிழந்து அலைகிறோம். சிலர் ஆதரிக்க, பலரும் எதிர்க்க, சுதந்திரம் என்பதன் அளவும் தெரிவதில்லை, ஆழமும் புரிவதில்லை.
ஒருநாள், படைத்தவன் நாட்டம் கொண்டால், நாக்கு சுண்டி இழுத்துக்கொள்ளும். ஒரு கையும் ஒருகாலும் கோணலாகிப் போகும். வீணீர் வடிய இழுத்து இழுத்து நடப்பது அவ்வளவொன்றும் இலகுவானதல்ல. இங்கே நிறுத்தி, நினைவுறுத்துவோம்; ஆண்டவனின் மிகப் பெருங் கருணை இந்த ஆரோக்கியம். அதன் பொருட்டு, அவனைத் தொழுவதும், ஓதி ஒழுகுவதும் நன்றி உடையவனாய் இருத்தலின் ஒரு பகுதியே.
அன்றியும், அவனது கட்டளைகளின் மீதான கேலியும், புறக்கணிப்பும், மாற்றானை மகிழ்விக்க வலிந்து எடுக்கும் இறை மறுப்பு நிலைப்பாட்டு முயற்சிகளும் நன்மை பயக்குமோ என் சகாவே!

இறைவனை மெய்யாகவே பயந்து கொள்வோம். நயவஞ்சகத்திற்கு வரையறுத்த வடிவமில்லை. அது எம்மில் மேலோங்குகிற போது உள்ளம் தெரிந்துகொள்ளும். அப்போது அல்லாஹ்வின் தண்டனையை பயந்து அஞ்சுவதன்றி வேறெதுவும் நன்மை பயக்கா.

மிக்க கருணையாளனே, எங்கள் இறைவா! எங்களை நயவஞ்சகத்தில் இருந்தும் காப்பற்றிவிடுவாயாக! உன்னுடைய கடுமையான பிடியில் இருந்தும் மீள முடியாத பிணியில் இருந்தும் எங்களை காத்தருள்வாயாக!
00

ஒருநாள், படைத்தவன் நாட்டம் கொண்டால், நாக்கு சுண்டி இழுத்துக்கொள்ளும். ஒரு கையும் ஒருகாலும் கோணலாகிப் போகும். வீணீர் வடிய இழுத்து இழுத்து நடப்பது அவ்வளவொன்றும் இலகுவானதல்ல.

#அச்சமூட்டி_எச்சரிக்கை_செய்வோம்

பொது

Perfume

ஒரு பெண்ணிடம் அவள் அணிந்திருக்கும் perfume பற்றிச் சொல்லுங்கள். அவளின் வாழ்நாளிலும் உங்களை மறக்கமாட்டாள். அப்படித்தான் சூசன் ஹென்சியரை றியாத்தில் இருந்து பிரங்போர்ட் வரும் Lufthansa விமானத்தில் வைத்து சந்தித்து ஒருமணி நேரத்தில், பூமியில் இருந்து சுமார் 10,000அடி உயரத்தை விமானம் அண்மித்த போது, நாசியை ஒருமுறை உள்ளிளுத்து விட்டுச் சொன்னேன்; “it’s Guggi femina’ isn’t it?” 43 more words

பொது