குறிச்சொற்கள் » அரசியல்

பரியேறும் பெருமாள் - பார்வை

ஒடுக்கப்பட்டுள்ள சமுதாயத்தின் பார்வையில் இருந்து இன்னோரு படைப்பு பரியேறும் பெருமாள்

மாரி செல்வராசு அவர்களின் முதல் படைப்பு மற்றும் பா. இரஞ்சித் அவர்களின் முதல் தயாரிப்பில் வெளிவந்து இருக்கும் பரியேறும் பெருமாள் என்கின்ற படம் ஒரு நேர்த்தியான படைப்பு.

ஆணவக்கொலைகளின் பின்புறம், சாதிய அடக்குமுறை, ஒடுக்கப்பட்டுள்ளவர்களின் இன்றைய நிலை போன்றவற்றை மிகவும் கவனமாகவும் மற்றும் நேர்மையாகவும் நம்முன் திரையிட்டு காண்பித்துள்ளார் படத்தின் இயக்குநர் மாரி செல்வராசு அவர்கள். 

கதையின் நாயகன் கதிர். அவரின் அருமையான நடிப்பை இந்தப் படத்தில் வெளிப்படுத்தியுள்ளார், இந்தப் படத்துக்கா அவரின் முழு உழைப்பையும் வெளிப்படுத்தியுள்ளார் என்றே சொல்லவேண்டும். அந்த அளவுக்க கதிரின் உழைப்பு இந்தப் படத்தில் தெரிகின்றது.

படத்தின் வில்லன் என்று சொல்லும் அளவுக்கு ஒரு வயதான (தாத்தா) கதாப்பாத்திரத்தில் நடித்துள்ளவரின் நடிப்பும் மிகவும் அருமையா இருந்தது, அவர் வரும் பகுதிகள் மிகவும் மிரட்டலாக இருக்கும் (கத்தின்றி மற்றும் கத்தலன்றி). குறிப்பாகக் கதாநாயகன் மற்றும் கதாநாயகி இருவரும் மருத்துவமனையில் பேசிக்கொண்டு இருப்பார்கள் அவர்களின் பின்புறம் மங்கலாக (blur background) வயதான கதாப்பாத்திரம் (வில்லன்) இருப்பார், நம் அனைவரின் கவனமும் அந்த மங்கலான உருவத்தை நோக்கியே இருக்கும். அந்த அளவுக்கு வில்லனின் அசத்தல் மிரட்டல்.

இந்தப் படத்தில் நடித்துள்ள மற்ற கதாப்பாத்திரங்களான, ஜோவாக கதாநாயகி ஆனந்தி, யோகி பாபு, கதாநாயகியின் அப்பா மற்றும் கல்லூரியின் முதல்வர் ஆகியோரின் நடிப்புகள் அருமை.

படத்தின் இயக்குநர் மாரி செல்வராசு அவர்கள் தன்னுடைய முதல் படத்திலே தான் ஒரு சிறந்த இயக்குநர் என்று அனைவருக்கும் நிரூபித்துள்ளார். அவருக்கும் மற்றும் படத்தில் பணியாற்றிய அனைவருக்கும் நம் பாராட்டுக்கள்.

ஒரு சமுதாயம் தன்னுடைய இன்றைய நிலையில் இருந்து மேல் நோக்கி நகர்த்தவேண்டும் என்றால். அவர்களின் ஒட்டுமொத்த பொருளாதாரமும் முன்னேறவேண்டும். பொருளாதாரம் முன்னேற்றம் அடைய அந்தச் சமுதாயம் கல்வியறிவு உள்ள சமுதாயமாக மாற்றவேண்டும். இந்தப் படத்தில் வரும் கல்லூரியின் முதல்வரை போன்று, “நான் இந்த நிலைக்கு வருவதற்கு பேயாகப் படித்தேன்” என்பார்.

ஒடுக்கப்பட்டுள்ள சமுதாயத்தின் இன்றைய நிலைகளைப் படமாக எடுக்கும் அனைவரும், அவர்களின் இன்றைய நிலையில் இருந்து மேல் நோக்கி நகர அவர்களின் பொருளாதாரம் மற்றும் கல்வியின் முக்கியத்தை எடுத்துச்சொல்லி அதற்கான இன்றைய தடைகளாக இருப்பதை வெளிச்சம் போட்டுக்காட்டி அதற்கு ஒரு தீர்வினை கொடுக்கும் படமாக இருந்தால், ஒடுக்கப்பட்ட சமுதாயத்துக்கு நன்மைபயக்கும்.

அரசியல்

அந்த நாட்டிலெல்லாம் அப்படி ..


Picture courtesy: Internet

ராஜநீதி அல்லது அரசியல் என்பது, உலகின் வெவ்வேறு பகுதிகளில் வெவ்வேறு விதமாக இயங்குகிறது. வித்தியாச வடிவங்கள், மதிப்பீடுகளைக் கொண்டுள்ளது. பின்னே? நம்ப நாட்டுக் குப்பைமாதிரியா இருக்கும்? –என்கிறீர்கள். பாயாதீர்கள். மேலே படியுங்கள். 14 more words

புனைவுகள்

சேகுவேரா வாக்கும் வரலாறும் ; யாழன் குருவி

39 வருடத்தில் தனது வாழ்க்கையை முழுமையாக வாழ்ந்த ஒரு அதிமானுடன்,ஆர்ஜென்டீனாவில் பிறந்த சேகுவேரா,சிறுவயதிலயே மிகவும் சுட்டியாகவும் விளையாட்டில் படிப்பில் கெட்டிக்காரனாகவும் திகழ்ந்தார்,வாசிப்பில் மிகவும் ஆர்வம் காட்டிய சேகுவேரா தாயின் அரவணைப்பிலேயே அதிகம் வளர்ந்தார்.உயர்கல்வியில் வைத்திய துறையை தேர்ந்தெடுத்து படித்தார்.தொழுநோயாளர்களுக்கு சேவை செய்தார்.ஆர்ஜென்டினா,லத்தீன் அமெரிக்கா என்று தனது நண்பருடன் சுற்றுலா சென்று மக்கள் படும் துயரங்களை நேரில் கண்டு அதற்கான காரணத்தை அறிந்தார்,உலக ஏகாதபத்திய அமெரிக்க அரசு லத்தீன் நாடுகளை சுரண்டி தன்னை வளர்த்து கொள்வதை கண்டுகொண்டார்.லத்தீன் நாடுகளில் உள்ள அனைத்து பிரச்சினைகளும் அமெரிக்க அரசாங்கத்தால் ஏற்படுத்தப்பட்டு மக்களும் அரசுகளும் அடிமை நிலையில் வைக்கப்பட்டிருந்தன.அடிமைகளில் ஆயிரத்தில் ஒருவராக புரட்சியாளர்கள் தோன்றி போராடி மக்களுக்காக மடிந்த வண்ணம் இருந்தனர்.அமெரிக்க அரசாங்கத்தால் அதிகமாக பாதிக்கப்பட்டதால் அதற்கு எதிராக அப்போது இருந்த கார்ல் மாக்ஸ் சிந்தைனையை படித்து தெளிந்தார்.படித்து முடித்துவிட்டு வேலை தேடி அலைந்தார்.வைத்திய வேலை கிடைக்கவில்லை.சம்பளத்துக்காக கையில் கிடைக்கும் சிறிய வேலைகளை செய்ய தொடங்கினார்.

ஒரு புறம் கையில் கிடைக்கும் வேலைகளை செய்து கொண்டு இருந்த சேகுவேரா வேலை தேடி கெளதமாலா சென்றார்,சில அரசாங்க புரட்சியாளர்களின் நட்பு கிடைத்தது.கெளதமாலா அரசு அமெரிக்க எதிர்ப்பு அரசாக இருந்து மக்களின் ஏழ்மையை நீக்க போராடிகொண்டிருந்தது.தனக்குரிய வைத்திய தொழிலை தேடி அலைந்த சேகுவேராவுக்கு சரியான தொழில் கிடைக்கவில்லை,அத்துடன் அமெரிக்கா கெளதமாலாவை தாக்கி அங்கிருந்த தனது எதிர்ப்பு அரசை கவிழ்த்துவிட்டு தமக்கு சார்பான ஒரு அரசை ஏற்படுத்திகொண்டது.நிலைமையை உணர்ந்த சேகுவேரா அங்கிருந்து வெளியேறி மெக்சிகோ சென்றார்.அங்கு ஒரு எதிர்பாராத சந்திப்பில் ரவுல்,பிடல் காஸ்ரோ சந்திப்பு நிகழ்கின்றது.சேகுவேரா இதுவரை தனக்கிருந்த அத்தனை புரட்சி தாகங்களையும் தணித்து கொள்ள ஒரு வாய்ப்பு அமைந்தது.பிடல் காஸ்ரோ கியூபாவில் அமைந்திருந்த அமெரிக்க பொம்மை அரசை தூக்கி எறிந்து தனது புரட்சி அரசை நிறுவ மெக்சிகோவில் இருந்து ஆயத்தங்களை செய்து கொண்டிருந்தார்.புரட்சி போரில் தனது பங்கை எடுத்து கொண்ட சேகுவேரா,82 பேரில் ஒருவராக பிடலின் படையுடன் கியூபா நோக்கி கிரான்மா எனும் கப்பலில் புறப்பட்டார்.

கப்பல் கியூபாவை சரியாக அடைய முன்னரே கியூப அமெரிக்க பொம்மை அரசுக்கு தகவல் போக,சண்டை தொடங்கியது.முதல் சண்டையிலேயே சேகுவேரா காயமடைகின்றார்.எனினும் பிடலின் மதிநுட்பத்தால் சண்டை வெற்றிபெற படை முன்னேறுகின்றது.பின்னர் தொடர்ந்த போரில் சேகுவேரா ஒரு படையணியின் கமான்டராக நியமிக்கப்படுகின்றார்.சண்டை உக்கிரமாக மக்களும்,இராணுவமும் புரட்சி படையுடன் இணைகின்றனர்,அமெரிக்க பொம்மை அரசு தூக்கி எறியப்பட்டு ஹாவானாவில் ஆயிரமாயிரம் மக்கள் சூழ பிடல் பதவி ஏற்கின்றார்.சேகுவேரா கியூப குடிமகனாகி கியூப வங்கி தலைவராகின்றார்.பின்னர் கம்யூனிச நாடுகளுக்கான ஒரு பயணத்தை மேற்கொண்டு சென்று வந்த சேகுவேரா தனது வங்கி தலைவர் பதவியை தூக்கி எறிந்துவிட்டு தொழில்துறை நிறுவனத்துக்கு தலைவராகின்றார்.கியூப ரஷ்ய கூட்டு ஏவுகணை திட்டம்,அமெரிக்க எதிர்பினாலும் ரஷ்யாவும் பிடலும் பின்வாங்க மனம் நொந்துகொள்கிறார் சேகுவேரா.ஐநா சபை சென்ற சேகுவேராக்கு உலக தலைவர்களால் மகத்தான வரவேற்பு கொடுக்கப்படுகின்றது.கம்யூனிசிய-ஆயுத புரட்சி பற்றிய கூர்மையான தனது உரையை தீர்க்கமாக உலக தலைவர்களுக்கு இராணுவ உடையில் கர்ஜித்தார்.

ஐநா சபையை அடுத்து ரஷ்யா உட்பட்ட பல உலக நாடுகளுக்கு தனது பயணத்தை தொடர்ந்த சேகுவேரா முடிவில் மீண்டும் கீயுபா வந்தடைந்து தனது அனைத்து அரச பதவிகளையும் துறந்தார்.உலக்கெல்லாம் அடக்கப்படும் மக்களுக்காக போராடும் ஒருவனாக இருப்பதே தனக்கு பெருமை சேர்க்கும் என்ற சேகுவேரா,தனது முதல் தெரிவாக ஆபிரிக்க நாடான காங்கோ சென்றார்.அங்கு மக்களை புரட்சிக்கு தயார்படுத்த முயன்று முடியாமல் பிடல் காஸ்ரோவின் நீண்ட முயற்சிகளின் பின்னர் காப்பாற்றபட்டு கீயுபா திரும்புகின்றார்,திரும்பிய சேகுவேரா,தனது அடுத்த நாடாக ஆர்ஜென்டினாவை தேர்ந்தெடுத்த போதும்,பிடலின் ஆலோசனைக்கு அமைய பொலிவியா செல்கின்றார்.இதற்கிடையில் சேகுவேராவை கொல்ல என்று மோப்பம் புடித்துகொண்டு திரிந்த அமெரிக்க உளவுதுறைக்கு அவர் பொலிவியாவில் இருக்கும் தகவல் கிடைத்தது.உஷாரான அமெரிக்க உளவுதுறை தனது விசேட படையை பொலிவியாவுக்கு அனுப்பி வைக்கின்றது.பொலிவியாவில் சேவின் புரட்சிபடை நடத்திய முதல் தாக்குதல் பெரும் வெற்றி பெற்றிருந்தாலும்,அவரால் நினைத்தபடி மக்களை புரட்சியின்பால் இழுக்கமுடியாமல் இருக்க,பொலிவிய-அமெரிக்க படை சேகுவேராவை தேடி காடுகளில் அலைந்து கொண்டிருந்தது.இறுதியில் ஒரு நாள் கிராம மக்களின் உதவியுடன் சேகுவேரா புரட்சி படையினர் சுற்றி வளைக்கப்பட்டு சண்டை தொடங்குகின்றது,காலில் காயமடைந்த சேகுவேரா உயிருடன் பிடிபட மற்றவர்கள் சுட்டு கொல்லப்படுகின்றனர்.

பிடிபட்ட சேகுவேராவை ஒரு பாடசாலையில் வைத்து விசாரணை செய்த பின்னர் அமெரிக்க உளவு தலைமை உத்தரவுக்கு அமைய சுட்டு கொல்கின்றனர்.அருகிலேயே ஒரு இடத்தில் புதைக்கப்படுகின்றார்.இன்று அவர் காட்டிகொடுக்கப்பட்டு சுட்டு கொல்லப்பட்ட இடத்தில் மயான அமைதி நிலவுகின்றது.உலகத்தின் ஒப்பற்ற ஒரு புரட்சிவீரன்,எந்த மக்களின் அறியாமையை நீக்க போராட வந்தானோ அதே மக்களின் அதே அறியாமையினால் பலியாகின்றார்.சேகுவேரா உயிருடன் இருந்திருந்தால் உலக வரலாறு தலைகீழாக மாறியிருக்கும் என்று தலைய அடித்த வரலாற்று ஆய்வாளர்கள் பலர்,ஆனால் அந்த அதிமானுடன் தான் நினைத்தது உடனே நடந்து விட வேண்டுமென்பதில் குறியாக இருந்தான்.அவன் நினைத்தது நாடுகள் இனங்கள் மதங்கள் கடந்த மானுட விடுதலையை,அவன் நினைத்த மாதிரியே இன்று உலகில் விடுதலைக்காக போராடும்

அனைத்து மக்களின் விடுதலை சின்னமே சேகுவேராக கொண்டாடப்படுகின்றார்.அவரை இயேசுவாக கருதி வழிபடும் லத்தீன் சமுதாயங்களும் உண்டு.

“நாம் அதற்காக இறக்க தயாராக இருக்காதவரை

நம் வாழ்க்கைக்கு தேவையான ஒன்றை நிச்சயபடுத்தி கொள்ள முடியாது” என்ற அவரின் ஒற்றை வசனத்தில் புரிந்துகொள்ள முடியாத ஒன்றை நீங்கள் இந்த உலகத்தில் வேறு எதிலும் தேடி கண்டு கொள்ள போவதில்லை.

உங்களுக்கு தேவையானதை சேகுவேரா உலகத்தில் விட்டே சென்றுள்ளான்.

“நான்” என்பது எனது முக்கியமானவைகளின் ஒன்று எனகூறிய சேகுவேரா,சொன்னபடியே உலக சமுதாய குடும்ப புற நிலைகள் தனது “நானை” பாதிக்காமல் பாத்துகொண்டதுடன் தனது வாழ்வை “நானாக” வே வாழ்ந்து காட்டினார்,அவரது இறந்த உடலின் மூடப்படாத கண்கள் இந்த உலகிற்கு ஒன்றை மீண்டும் மீண்டும் சொல்லி கொண்டே இருக்கின்றது.”இறுதிவரை போராடு” என்று..

அதனை முன்னிறுத்தி முடிந்தவர்கள் அனைவரும் உலக மக்களின் விடுதலைக்காக உங்கள் சுயத்தை துறந்து போராட தயாராக இருங்கள்

நன்றி

யாழன் ஜனா ( குருவி )

அரசியல்

ஈழப்போராட்டத்தில் தலைவர் பிரபாகரன் ; எனது பார்வை

இலங்கையின் தமிழர்கள்-சிங்களவர்கள் இனப்பிரச்சினை நூறு வருடங்களுக்கு மேலான வரலாற்றை கொண்டது.இலங்கையின் பூர்வ குடிகளாக தமிழர்கள் இருந்த போதிலும் பீகார் பகுதியிலிருந்து வந்த ஆரிய கலப்பு கூட்டத்தினர் தமிழ்-ஹிந்தி மொழி கலப்பு எழுத்துரு,பேச்சுருவை கொண்ட சிங்கள மொழியை பேசும் கூட்டத்தினர் காலம்போக்கில் இலங்கை தீவில் தமது பெரும்பான்மையை நிரூபித்து அதிகாரத்தை கைப்பற்றி கொண்டனர்.தொடர்ந்த தென்னிந்திய படையெடுப்புகள்,போர் அழிவுகள் அவர்களுக்கு வடக்கு திசையில் வாழ்ந்த தமிழர் மேலான நீண்ட கால காழ்புணர்வுக்கு காரணமாக இருப்பதுடன்,தமது பாதுக்காப்பை உறுதிபடுத்து எந்த எல்லைக்கும் தயங்காமல் செல்ல அவர்களை தூண்டுகின்றது,இன மத ரீதியான அவர்களின் பாதுகாப்புக்கு வடக்கு திசை அச்சுறுத்தலாக இருப்பதாகவே அவர்கள் உணர்கின்றார்கள்,அவர்களின் இந்த வெறுப்பே வட இலங்கை,தென்னிந்தியா என்று தமிழர்கள் மீதான அவர்களின் காழ்புணர்வுக்கு அடிப்படை காரணம்.

இலங்கை ஆங்கிலேயரிடமிருந்து சுதந்திரமடைந்த போது தமிழர்களுடன் சேர்ந்து நாட்டை ஆள்வோம் என்ற வாக்குறுதி அளித்துவிட்டு பின்னர் தமக்கு சார்பான அரச அமைப்பின் மூலம் தமது மொழி,மதத்தை காக்கும் பொருட்டு தமிழர்கள் மீதும் அவர்கள் பூர்வீக நிலங்கள் மீதும் ஆக்கிரமிப்புக்களை மேற்கொண்டனர்.உலக முழுக்க தமிழர்கள் பரவி இருந்தமையும்,சிங்களவர்கள் என்ற ஒரு இனம் இலங்கையை தவிர வேறெங்கும் இல்லை என்றதும் ஒருங்கே இணைந்து அவர்களை பயமுறுத்தியுடன் தம்மை பாதுகாக்க,பலப்படுத்த அவர்கள் தமிழர்களை சகல வழிகளிலும் ஒடுக்க ஆரம்பித்தனர்.முதலில் இருந்தே தமிழர் தரப்பு தற்காப்பு முறைகளையே கையில் எடுத்து முப்பது வருடங்கள் சிங்கள ஆக்கிரமிப்பை தடுத்து நிறுத்த முற்பட்டாலும்,அது அவர்களுக்கு கைகொடுக்கவில்லை,மாறாக சிங்கள அரசு தமிழர்கள் மீது ஆயுத பலத்தை பிரயோகித்து அடக்க தொடங்கியது.அகிம்சை வழியில் போராடி தீர்வை காணமுடியாமல் இருந்த தமிழர்கள் மீது பிரயோகிப்பட்ட ஆயுத பலம் அவர்களுக்கு புதிய ஒரு வழியை உருவாக்கவேண்டிய அவசியத்தை பாடங்களாக கற்பித்துகொடுத்தது.

எழுச்சி கொண்ட ஒரு இளைய தலைமுறை ஆயுத வழியை தேர்ந்தெடுத்துகொண்டது.இந்நேரத்தில் இரண்டாம் உலகப்போரில் எழுச்சியடைந்த அமெரிக்க-யூத கூட்டணி,உலகின் உணவு தேவையை அதிகமாக பூர்த்தி செய்யும் ஆசிய பசுபிக் பிராந்தியத்தின் தமது வல்லாதிக்கத்தை நிலைநாட்ட இலங்கை திருகோணமலை துறைமுகம் மீது கண் வைத்தது,இது பிராந்திய வல்லரசான அன்றைய இந்தியாவுக்கும்,உலக வல்லரசு பதவியை அமெரிக்காவிடம் இழந்த பிரித்தானியாவுக்கும் கசப்பான அனுபவங்களை வழங்க இவர்களின் கூட்டணியில்,இலங்கையில் இருந்த சிங்கள தமிழர் இனப்பிரச்சினையை சிறுபான்மை தமிழர் தரப்பினுடாக கையில் எடுத்தனர்.விரக்தியின் விளிம்பில் நின்ற தமிழர் தரப்புக்கு ஆதரவாக இருப்பதாக காட்டிகொண்டு இலங்கை மீதான தமது ஆளுமையை மறுபடியும் நிலைநாட்ட திட்டம் போட்டனர்,தமிழர் தரப்பில் இருந்து முதல்தர முக்கிய ஆயுத குழுவான புலிகள் தவிர மற்றைய அனைத்து இராணுவ குழுக்களும் குறிப்பாக தலைவர்கள் இவர்களின் திட்டத்துக்கு தெரிந்தோ தெரியாமலோ பலியாகியிருந்தனர்,இதனை விளங்கி கொண்ட புலிகள் அமைப்பு மற்றைய அனைத்து குழுக்களையும் தம்முடன் இணைந்து கொள்ளுமாறு அழைத்தனர்.ஏற்கனவே இந்திய-பிரித்தானிய திட்டத்தில் இயங்கிய மற்றைய ஆயுத குழுக்கள் இதற்கு சம்மதிக்காமல் அவர்களின் ஆயுதம் தமிழர்க்கு எதிராக திரும்பும் ஆபத்தை அறிந்து புலிகள் இயக்கம் அவர்களை அழிக்க தயங்கவில்லை,அழிந்தது அழிய வெறுப்பில் சிங்கள தரப்புடன் சேர்ந்தது போக மீதி வெளிநாட்டுக்கு ஓடி தப்பியது.

தமிழர் வரலாறு முழுதும் துரோகம் கூடவே இருந்ததை தெளிவாக புரிந்து இயங்கிய புலிகள் இயக்கம் தமிழர்களுக்குள் இருந்த அகத்தடைகள் முதலில் இனங்கண்டு அழித்த புலிகள் பின்னர் எதிரிகள் பக்கம் திரும்பியது.இப்போது தமிழர்களுக்கு வடக்கில் இந்திய அரச எதிரியும்,தெற்கே சிங்கள அரச எதிரியும் இருந்தது.தலைவர் பிரபாகரன் வழிகாட்டுதலில் புலிகள் இயக்கம் அதிகமாக மக்கள் மயப்படுத்தப்பட்டு வேகமான வளர்ச்சியை கண்டது,சிறுவர் போராளியாகவே தனது வரலாற்று தொடங்கிய பிரபாகரன் சிறுவயதில் இருந்தே இந்திய மெய்யிலை நன்கு கற்று தேர்ந்தவர்.வீர வரலாறுகள் முதற்கொண்டு அவருக்கு அத்துபடி.சிங்களவர்களின் கொடுமைகளை வயதான பாட்டி சொல்ல கேட்டு வளர்ந்தவர்.மாமன்னன் எல்லாளன் சமாதியில் கருவடைந்தவர்.சிறுவயதிலேயே இன்னல்படும் தமிழர்களாக சிந்திக்க தொடங்கிய அவர் கண்டதே புலிகள் இயக்கம்.தனது தாய் மீது மிகுந்த பற்று கொண்டவர் பிரபாகரன்,எனினும் வீட்டை விட்டு காட்டிலயே கடைசிவரை தனது காலத்தை அதிகம் கழித்தார்.இயற்கையை தனது நண்பனாக்கி வரலாற்று வழிகாட்டியாக வரித்து கொண்டு இடைவிடாமல் தமிழருக்கான தனது சுயத்தை வென்று போராடிய ஒரு போராளி.

பிரபாகரன் தமிழர்களின் இயல்பான பலவீனத்தை கண்டுகொண்டு அதற்கேற்ப தமிழர் படையை கட்டியெழுப்பியதுடன்,எதிரிகளின் பலத்தை அறிந்து அதற்கேற்ப போராடி தான் இருக்கும்வரை தமிழர்களை தற்காத்து வந்தார்.இந்திய-சிங்கள இராணுவத்தை துவம்சம் செய்த பிரபாகரனின் போரியல் நுட்பங்களின் முன்னால் தாக்குபிடிக்க முடியாமல் அமெரிக்க-இஸ்ரேல் கால்களில் விழுந்த சிங்கள இராணுவத்துக்கு இலவச பயிற்சி கொடுத்து ஆயுதங்களையும் அள்ளி கொடுத்து ஆறுதல் சொல்லி அனுப்பிய அமெரிக்கா,ஆக்கிரமிக்க வந்த அவர்களுக்கு ஆனையிறவில் வைத்து புலிகள் கொடுத்த அடியில் அமெரிக்காவே அலறியதும்,2000 ஆண்டின் முற்பகுதியில் நடந்த இந்த உலகின் மிகப்பெரும் நுணுக்கமான சண்டை புலிகள் மீது உலகிற்கு பயம் கலந்த மரியாதையை பெற்றுகொடுத்தாலும் அதுவே உலக பொம்மை வல்லரசான அமெரிக்காவுக்கு மிகப்பெரும் தலையிடியானது.கூடவே 1999 வான் புலிகள் ஆண்டு என புலிகள் பிரகடனபடுத்தியதும்.கடற்புலிகளின் மாபெரும் வளர்ச்சியும்,புலிகளின் புலனாய்வுதுறை இலங்கையில் மூலை முடுக்கெல்லாம் தாம் நினைத்த நடத்திய வல்லமைகளும் சேர்ந்து புலிகளின் வளர்ச்சி உலக ஏகாதிபத்தியத்துக்கு புளிப்பை கொடுத்தது.

2000 ஆண்டு தகவல் தொழில்நுட்பம்,மக்கள் வாழ்க்கை முறைகளில் ஏற்பட்ட சடுதியான மாற்றங்களும்,விடுதலையை விரும்பி போராடிய மக்கள் கூட்டம்,புதிய உலக ஒழுங்கின் நவீன வாழ்க்கை முறைக்கு அடிமையாகி இருக்க ஆசைகொண்டதும்,புழுதியில் இறங்கி புரட்சி செய்ய இனிவரும் சந்ததிகள் தயாராகவும் இருக்கவில்லை என்ற போதும் புலிகள் இயக்கத்தின் இருப்பு கேள்விக்குள்ளானது.தமிழர் விடுதலைக்காக புலிகள் இயக்கம் முழுமையாக போராடிய பொழுதிலும் தமிழர்கள் முற்றுமுழுதான பங்களிப்பு தமது பங்களிப்பை வழங்கியிருக்கவில்லை.பிரபாகரன் என்ற தனி மனிதனின் மனதில் நடந்த தனது விடுதலைக்கான போராட்டமே பின்னாளில் தமிழர் விடுதலை போராட்டமாக களத்தில் விரிந்து வெற்றிவாகை சூடியது.மனித ஆன்மாவின் ஆழமான ஆசையாக பிரபாகரனில் பிறந்த விடுதலை வேட்கையில் பெரும்பான்மை தமிழர் விடுதலை குளிர்காய்ந்தனர்,சிறு பகுதியினர் தமது நேரமி பங்களிப்பை வழங்கி புலிகளாயி போராடி மகத்துவமான மாவீரர்கள் ஆனார்கள்.பிரபாகரனின் மான வழியில் விடுதலைக்காக களமாடி வீழ்ந்த வேங்கைகளை காலத்தால் அழியாத மாவீர மதமாக்கி அதை கார்த்திகை மாதமாக்கி அழகு பாத்தார்.இன்று உலக தமிழினமே கார்த்திகையில் ஒன்று கூடி அவர்களிடம் தமது விடுதலை வேட்கையை வேண்டுகின்றனர்.

தொடர்ச்சியான போர்கள்,இருபதுக்கு மேற்பட்ட எதிரி நாடுகள் என்ற போதும் காலமிட்ட வழியில் தமிழர் நிலத்தை அந்நிய ஆக்கிரமிப்பில் இருந்து விடுதலை அடையும் வரை போராடுவேன் என கூறி நந்திகடல் நோக்கி விரைந்தது அந்த மகாத்மா,நீண்ட காலத்தில் வீழ்ந்துவிடாத வீரத்தை விழுத்த உள்ளிருந்தே துரோகங்கள் முளைவிட,எங்கே என்று காத்திருந்து எதிரிகள் அதனை பயன்படுத்த,உள்ளே துரோகம்,வெளியே நாற்புறமும் எதிரிகள்,பிரபாகரன் எதற்கும் அஞ்சாமல் ஓய்வில்லா களத்தில் ஓயாத அலையாகி அடித்து ஆடினார்.2000 ஆண்டு புதிய உலக ஒழுங்கு உலக மக்கள் அனைவருக்கும் புதிய கனவுகளை காட்டி அசுர வேகத்தில் அடிமையாக்க தொடங்கியது.புற காரணிகளால் ஏற்படும் அடிமை வாழ்வே விடுதலைக்கு எதிரியாக இருந்த காலம் போய் அக காரணிகளை வைத்து உலக மனிதர்களை அடிமையாக்கும் திட்டம் செயற்படுத்தபட்டது.விழிப்பே விடுதலைக்கு முதற்படி என்ற பிரபாகரனும் அவர் வழியில் சென்ற ஆயிரமாயிரம் மாவீர புலி வீரர்களும் விடுதலைக்காக போராடியும் அடிமை வாழ்வை இன்னொரு வடிவம் எடுத்து உலகை விழுங்க தொடங்கியது.இதற்குரிய போராட்டத்தை மக்கள் பொறுப்பிலேயே விட்ட பிரபாகரன்,தனது பாதையை செப்பனிடுவதில் கவனத்தை செலுத்தினார்,அது அவருக்கு முன்னால் விடுதலைக்காக போராடி இறந்த மானமாவீரர்கள் சென்ற பாதை,அதுவே அவரின் பாதை,அங்கு வெற்றி அல்லது வீரமரணம் தவிர எதுவுமில்லை,காலமிட்ட கட்டளைப்படி புன்னகைத்தவாறே சென்றார்,தனிமனிதனின் சொந்த விடுதலையை வேண்டிய போராட்டத்தை அவர் தனது சுயத்தை இழுந்து தமிழருக்கு பங்கு தந்திருந்தார்.தமிழர்கள் குறிப்பிட்ட காலத்துக்கு பின்னால் அதை சரிவர பின்பற்றாமல் பாதை மாறி விடுதலையை தவறவிட்டனர்,”ஒரு உயிர் உன்னதமானது என்பதை அறிவேன்.ஆனால் உரிமை அதைவிட உன்னதமானது ” என்று கூறிய பிரபாகரனுடன் சென்று கொண்டிருந்த மக்கள் மீது சொல்லொனா அழிவுகளை ஏற்படுத்தி அவர்களை அந்த விடுதலை பாதையிலிருந்தும் பிரித்தெடுப்பதில் வெற்றி கண்டனர் எதிரிகள்,தமிழருக்கு தருவதற்கு தன்னிடத்தில் எதுவும் இல்லை,தான் போகும் இந்த பாதையில்தான் தமிழருக்கு மட்டுமல்ல உலகம் முழுதும் ஆழமாக சுதந்திரத்தை வேண்டும் அனைவருக்குமான விடுதலை இருக்கின்றது என்றபடி அவர் நடந்தார்.உண்மையில் விடுதலை தேவைப்பட்ட சிலர் சென்றார்கள்,பலர் பாதை மாறினார்கள்,இடையில் சிலர் திரும்பினர்,ஆனாலும் உலகின் பல்வேறு காலகட்டத்திலும் சுதந்திர புருசர்கள் சென்று விடுதலை அடைந்த அந்த பாதை தனக்கானவனை எதிர்பாத்து காத்திருக்கின்றது…அவர்கள் கால நதியில் கடவுளாய் பிறப்பர்…

நன்றி

யாழன் ஜனா

அரசியல்

பெட்ரோல், டீசல் விலையேற்றம்! மாற்றத்திற்கான நேரம்!

இந்தியாவின் பொருளாதாரத்தின் இன்றைய நிலை அனைவருக்கும் கவலை தரும் வகையில் இருக்கிறது என்றே சொல்லலாம். அதற்கு மிக முக்கிய காரணம்.

  • டாலருக்கு நிகரான இந்திய ரூபாயின் மதிப்பு குறைந்து கொண்டு இருப்பது.
  • வரலாற்றில் இதுவரை இல்லாத அளவிற்கு பெட்ரோல் மற்றும் டீசல் விலையேற்றம்

இன்று, பெட்ரோல் ஒரு லிட்டர் சுமார் 85 ரூபாய் மற்றும் டீசல் ஒரு லிட்டர் சுமார் 77 ரூபாய் என்ற விலைக்கு சென்னையில் விற்பனையாகிக் கொண்டுருக்கிறது. இந்த ஆண்டின் தொடக்கம் முதல் செப்டம்பர் மாதம் முடியும் வரை குறைந்தது 10 ரூபாய் ஒரு லிட்டருக்கு விலையேற்றம் அடைந்துள்ளது. இப்படியே சென்றால், மிக விரைவாக பெட்ரோல் ஒரு லிட்டர் 100 ரூபாயிக்கு விற்பனையாகும் என்பதில் மாற்றுக்கருத்துக் இருக்காது.

இந்த விலையேற்றத்துக்கு மிக முக்கிய காரணம், மத்திய மற்றும் மாநிலத்தின் அதிகப் படியான வரி விதிப்பு. பெட்ரோல் மற்றும் டீசல் வரியின் மூலம் வரும் நிதியினால் பெரும்பாலும் மத்திய மற்றும் மாநிலத்தின் நிர்வாகம் நடைபெறுகிறது. ஆகையினால் தான் எந்த அரசும் தான் விதித்த வரியை குறைத்துக்கொள்ள முன்வருவதில்லை.

2017ஆம் ஆண்டு மார்ச் மாதம் தமிழ்நாடு அரசு பெட்ரோலுக்கு 27%யில் இருந்து 34%க்கும், டீசலுக்கு 21.4%யில் இருந்து 25%ஆக மாற்றியது. இதனை போன்று மத்திய அரசும் பெட்ரோல் மற்றும் டீசலுக்கான வரியை அதிகமாக்கியது. 

அத்தியாவசிய பொருட்களின் விலையேற்றம் மற்றும் அவர்கள் பயன்படுத்தும் வாகனங்களுக்கான பெட்ரோல் மற்றும் டீசல் விலையேற்றம் எனப் பலமுனையிலிருந்து வரும் விலையேற்றத்தினால் பொது மக்களாகிய நாம் தான் அதிகமாக பாதிப்பு அடைகிறோம். 

இந்தியா முழுவதும் பொது வேலை நிறுத்தம் போன்ற போராட்டங்கள் மற்றும் அரசாங்ககளை விமர்சனம் செய்வது போன்ற செயல்களினால் விலையேற்றத்தை இப்பொதுள்ள சூழ்நிலையில் குறைத்துவிடமுடியாது என்பது நிதர்சனமான உண்மை. 

ஆகையினால், நாம் நம் வாழ்க்கை முறையைச் சிறிய அளவு மாற்றியமைத்துக்கொண்டாலே இந்த மாதிரியான விலையேற்றம் நமக்கு அதிகம் பாதிப்படையாமல் பார்த்துக்கொள்ளலாம்.

  • குறைந்த அளவுள்ள தூரத்துக்கு இடையே பயணிக்கும் பொழுது, நாம் இரண்டு மற்றும் நான்கு சக்கர வாகனத்தைத் தவிர்த்து நடைப்பயணமாகவோ அல்லது மிதிவண்டியின் மூலமாகவோ செல்லலாம்.
  • பொது வாகனத்தை அதிகமாகப் பயன்படுத்தலாம், குறிப்பாக அதிகமான தூரத்துக்கு இடையே தினசரி பயணிக்கும் பொழுது.
  • நமக்குத் தேவையான மற்றும் தினம் பயன் பெறும் பொருட்களை முடிந்த அளவு நம் வீட்டைச் சுற்றியுள்ள இடங்களில் வாங்கிக்கொள்ளலாம்.
  • நகரங்களில், நம் பிள்ளைகளை பள்ளிக்கு ஆட்டோ அல்லது பள்ளியின் பேருந்து மூலம் அனுப்பிவைக்கலாம்.

பல வளர்ந்த நாடுகளில் இன்றும் மக்கள் அதிகமாக அவர்களின் பயணங்களை பொது வாகனங்களிலும், மிதிவண்டிகளிலும் மற்றும் நடைபயணங்களாலும் அமைத்துக்கொள்கிறார்கள் என்பது கூடுதல் தகவகள்.

இந்த மாதிரியான சிறிய மாற்றங்கள் நமக்கும் மட்டுமல்ல நம் நாட்டின் வளர்ச்சிக்கும் நிறையப் பயன்களைத் தரும். 

  • Curde Oil இறக்குமதிக்கு ஆகும் அன்னிய செலவை குறைப்பது.
  • பெட்ரோல் மற்றும் டீசல் பயன்படுத்தும் அளவை மக்களாகிய நாம் குறைத்துக்கொண்டால், மத்திய அரசு மற்றும் மாநில அரசுகளுக்குச் செல்லும் நிதியின் அளவு குறையும். ஆகையினால் அரசாகங்கள் மாற்று நிதி ஆதாரங்களுக்கான வழிமுறைகளை கையாலும். (நேர்மையான அரசு நேர்மையான வழியில் மாற்று நிதி ஆதாரங்களைத் தேடும் என்ற நம்பிக்கையில்)

மாற்றத்தை அரசாங்கத்திடம் இருந்து எதிர்பார்க்காமல், நம்மிடம் இருந்து ஆரம்பிப்போம். அழகிய நம் பழைய வாழ்க்கை முறைக்குத் திரும்ப சிறிது முயற்சி செய்வோம்.

அரசியல்

தமிழ்த் தேசிய அரசியலுக்கான வெற்றிப் பாதை

தமிழ்த்தேசிய அரசியலில் பல அரசியல் கட்சிகள்  உள்ளன. ஒவ்வொன்றும் ஒவ்வொரு தத்துவப்  பாதையில் பயணிக்கின்றன,  ஒவ்வொன்றும் அவர்கள்தான் வெற்றிபெறுவார்கள் என்ற நம்பிக்கையில் செயல்படுகின்றன.  இங்கே எழும் ஒரு முக்கியமானக் கேள்வி என்னவெனில், தமிழ்த் தேசியம் வெற்றி பெறுவதற்கான பாதை என்று ஒன்று உள்ளதா இல்லையா?