என முஹம்மது நபி (ஸல்லல்லாஹு அலைஹி வஸல்லம்) அவர்கள் அறிவித்தனர்.

[அறிவிப்பாளர்: இமாம் அல் ஹஸன் அல் பஸரி, நூல்: திர்மிதி, எண்: 249]

சுவனத்தைப் பற்றியும், அதன் மட்டற்ற மகிழ்ச்சிகளைப் பற்றியும்…(1)

சுவனத்தைப் பற்றியும், அதன் மட்டற்ற மகிழ்ச்சிகளைப் பற்றியும்...(1)

சுவனத்தைப் பற்றியும், அதன் மட்டற்ற மகிழ்ச்சிகளைப் பற்றியும்...(3)

"இன்னும் அது எவ்வளவு தூரம் வானத்தில் நீண்டு கொண்டிருக்கிறது என்று கேட்டீர்களானால், நம் கண்களுக்கு எட்டுகின்ற தூரத்தில் உள்ள நட்சத்திரங்களைப் பாருங்கள், இன்னும் நம் கண்களுக்கு புலப்படா தூரத்தில் உள்ளவைகளையும் கருத்தில் கொள்ளுங்கள்""இன்னும் சுவனத்தில் வாழ்பவர்களின் உடைகளைப் பற்றி கேட்டீர்களானால், அவை தங்கத்தாலும், பட்டாலும் நெய்யப்பட்டவையாகும்"

"இன்னும் அதன் படுக்கைகளைப் பற்றி கேட்டீர்களானால், அவை உயர்தர பட்டினைக் கொண்டு மிகச் சிறந்த முறையில் நெய்யப்பட்டவையாகும்"

"இன்னும் அதனுள் வாழ்கின்றவர்களின் முகங்களைப் பற்றியும், அழகைப் பற்றியும் கேட்டீர்களானால், வெண்ணிலவின் பிம்பங்களைப் போலானதாகும்"

"இன்னும் அவர்களின் வயதைப் பற்றி கேட்டீர்களானால், அனைத்து மக்களின் தந்தை ஆதம்(அலை..) தோற்றத்தில், 33 வயது இளைஞர்களாக இருப்பர்"

"இன்னும் அவர்களின் காதில் விழும் ஓசைகளைப் பற்றி கேட்டிர்களானால், அவர்களின் மனைவிகளான ஹூருல்'ஈன்களின் பாட்டுக்களும், அதை விட சிறந்தவையான மலக்குமார்கள் மற்றும் நபிமார்களின் பேச்சுக்களும், அதை விடவும் சிறந்த‌தான அகிலத்தின் இறைவனின் வார்த்தைகளுமாகும்"

"இன்னும் அவர்களின் பணியாட்களைப் பற்றி கேட்டீர்களானால், தெறித்த முத்துக்களைப் போன்ற தோற்றமுடைய, என்றும் இளமை மாறா இளஞ்சிறார்கள் ஆவார்கள்"

"இன்னும் அவர்களின் மணப்பெண்களைப் பற்றியும், மனைவிகளைப் பற்றியும் கேட்டீர்களானால், அவர்கள் இளமையானவர்களாக, அழகிய மார்புகளைப் பெற்றவர்களாக, அவர்களின் அவயங்களிலிருந்து இளமை பொங்கி வழிபவர்களாக இருப்பர். அவளின் முகம் காணக் கண்டால் சூரியனின் பிரகாசம் கிட்டும், சிரித்தால் பற்களின் வழியே வெளிச்சம் வழிந்தோடும், அவளின் மணாளனை அவள் காணும் போது, இரு பொன்கீற்றுக்களின் சந்திப்பு நிகழ்ந்தது போலாகும், அவளின் மணாளன் அவளின் கன்னங்களைக் காண்கையில், சுத்தம் செய்த கண்ணாடியைப் போல் ஒளிரும், இன்னும் அவளின் எலும்புகளுக்கும் திசுக்களுக்கும் மத்தியில் ஒளி பரவ‌க் காண்பான், அவளை இந்த பூமியில் காணக் கிடைத்தால், வானம் மற்றும் பூமியின் மத்தியில் அவள், அவள் மட்டுமே தெரிவாள், பூமியில் பரவியுள்ள மனிதக் கூட்டம் எல்லாம் அவளை புகழ்வதும், பாராட்டுவதும், மேன்மைப்படுத்துவதிலும் லயித்திருக்கும், கிழக்கிற்கும் மேற்கிற்கும் மத்தியிலுள்ள எல்லாமே அவளுக்கு ஆபரணங்களாகும், அவளைத் தவிர வேறெதையும் காண இயலாது கண்கள் இமை மூடி விடும், நட்சத்திரங்களின் பிரகாசத்தை சூரியன் எவ்வாறு தாழ்த்தி விடுகிறதோ அதுபோல் இவளின் ஒளி, சூரியனின் ஒளியை மங்கச்செய்யும், இன்னும் பூமியிலுள்ள எல்லாமே இவளையும் இன்னும் இவ்வுலகையும் படைத்து சர்வ‌ வல்லமை கொண்டு ஆட்சி புரியும் நாயன் ஒருவனின் மேல் ஈமான் கொள்ளும்;

இன்னும் அவளின் கூந்தலிலுள்ள ஆபரணம், இவ்வுலகில் உள்ள எல்லாவற்றையும் விட மேலானதாகும், வயது முதிரும்போது இன்னும் அழகு மிளிருமே தவிர குறையாது, தொப்பூழ் கொடியிலிருந்தும், பிரசவத்திலிருந்தும், மாதவிடாயிலிருந்தும், எச்சிலிலிருந்தும், சிறுநீரிலிருந்தும் இன்னும் பிற அசுத்தங்களிலிருந்தும் பரிசுத்தமானவளாய் இருப்பாள், அவளது இளமையோ என்றும் மாறாதது, அவளின் உடைகளோ என்றும் கசங்காதது, அவளோடு இருப்பவர் யாருக்கும் அசதி வந்து சேராது, அவளின் எண்ணம் முழுதும் அவளின் மணாளனே குடி கொண்டிருப்பான், அவனைத்தவிர வேறெதிலும் அவள் எண்ணம் சென்று சேராது, இன்னும் அவனின் கவனம் முழுதும் இவளைச் சுற்றியே இருக்கும், இன்னும் மிகுந்த பாதுகாப்பிலும், அரவணைப்பிலும் அவர்கள் இருப்பர், யாரும் அதற்கு முன் அவளை ஜின்னோ அல்லது எந்த மானுடனோ தொடவும் இலர்"

இப்னுல் கய்யூமின் ” ஹாதி அல் அர்வா இல்லா பிலாத் இல் அர்ஃபாஹ்” என்னும் அழகிய புத்தகத்தில் இருந்து, (பக்கம்‍:193)

இன்ஷா அல்லாஹ், மேலும் வளரும்…

சுவனத்தைப் பற்றியும் அதன் மட்டற்ற மகிழ்ச்சிகளைப் பற்றியும்...(3)

"இன்னும் அதன் தரையைப் பற்றியும் மண்ணைப் பற்றியும் கேட்டீர்களானால், அவை கஸ்தூரியும் குங்குமப்பூவுமாகும்"

"இன்னும் அதன் கூரையைப் பற்றி் கேட்டீர்களானால், அது அளவற்ற அருளாளனின் அரியாசனமாகும்"

"இன்னும் அதன் பாறைகளைப் பற்றி் கேட்டீர்களானால், அவை பவள ஆபரணங்களாகும்"

"இன்னும் அதன் கட்டிடங்களைப் பற்றி் கேட்டீர்களானால், அவை தங்கக் கட்டிகளாலும் வெள்ளிக் கட்டிகளாலும் கட்டப்பட்டவையாகும்"

"இன்னும் அதன் மரங்களைப் பற்றி் கேட்டீர்களானால், தங்கமோ அல்லது வெள்ளியோ அல்லாத எந்த மரத்தின் அடிப்பாகத்தையும் காண இயலாது"

"இன்னும் அதன் கனிகளைப் பற்றீ கேட்டீர்களானால், அவை வெண்ணையை விட மிருதுவானதாகவும், தேனை விட சுவை மிகுந்ததாகவும் இருக்கும்"

"இன்னும் அதன் இலைகளைப் பற்றி கேட்டீர்களானால், அவை மிருதுவான துணியை விடவும் மிருதுவாய் இருக்கும்"

"இன்னும் அதில் ஓடும் நதிகளைப் பற்றி கேட்டீர்களானால், அவற்றில் என்றும் சுவை மாறா பால் நதி உண்டு, அருந்துபவர்களுக்கு அளவிட இயலா இன்சுவையை தரும் மதுவினால் ஆன நதியும் உண்டு, இன்னும் என்றென்றும் புத்துணர்ச்சியோடு கூடிய தண்ணீரினால் ஆன நதியும் உண்டு"

"இன்னும் அங்குள்ளவர்களின் ஆகாரம் பற்றி கேட்டீர்களானால், அவர்கள் எதை நாடுகிறார்களோ அவையே கனிகளாகவும், எந்த பறவையை விரும்புகிறார்களோ அதன் மாமிசமே உணவாகவும் கிடைக்கும்"

"இன்னும் அவர்களின் பானம் பற்றி கேட்டால், அது தஸ்நீமாகும், இஞ்சியும் ' கஃபூரும்' கலந்தது"

"இன்னும் அவர்களின் கோப்பைகளைப் பற்றி கேட்டீர்களானால் அது மாசு மருவற்ற தெளிவான தங்கத்தாலும், வெள்ளியினாலும் ஆனவையாகும்"

"இன்னும் சுவனத்தின் நிழலைப் பற்றி கேட்டீர்களானால், ஒரு அதிவேக குதிரையில் சவாரி செய்பவர், சுவனத்தின் ஒரு மர நிழலில் சவாரி செய்ய ஆரம்பித்தால் நூறு வருடங்களானாலும் அவரால் அந்நிழலை கடக்க இயலாது"

"இன்னும் அதன் விஸ்தீரணத்தைப் பற்றி கேட்டீர்களானால், அதில் கீழ் மட்டத்தில் வாழும் மக்களின் மாட மாளிகைகளையும் தோட்டங்களையும் அதன் சுவர்களையும் கடக்க ஆயிரம் வருடங்களேனும் ஆகும்"

"இன்னும் அதிலுள்ள கூடாரங்களைப் பற்றியும் அதன் முகாம்களைப் பற்றியும் கேட்டீர்களானால், அதன் ஒவ்வொரு கூடாரமும் அறுபது மைல் தூரமுள்ள, மூடி வைத்த முத்து போலானதாகும்"

"இன்னும் அதன் கோபுரங்களைப் பற்றி கேட்டீர்களானால், அதன் ஒவ்வொரு கோபுரத்தின் அடியிலும் நதிகள் ஓடிக்கொண்டிருக்கும், அறைகளின் மேல் அறைகளைக் கொண்டு கட்டப்பட்டிருக்கும்"

இப்னுல் கய்யூமின் " ஹாதி அல் அர்வா இல்லா பிலாத் இல் அர்ஃபாஹ்" என்னும் அழகிய புத்தகத்தில் இருந்து, (பக்கம்‍:193)

இரண்டாம் பகுதி